नरहरिनाथमा काठेपुलबाट खस्दा एक जना बेपत्ता, सात वर्षीय छोरा जीवितै भेटिए

२१ भदौ, २०८३

कालिकोट — नरहरिनाथ गाउँपालिका–४ र ५ को सिमानास्थित जात्ताडा खोलाको काठेपुलबाट खस्दा नरहरिनाथ गाउँपालिका–४ का अन्दाजी २९ वर्षीय प्रेमबहादुर साउद बेपत्ता हुनुभएको छ। नरहरिनाथ गाउँपालिका वडा नं ४ मयाकोईरेलीनिवासी प्रेम वहादुर साउद काठको पुल बाट खस्दा वेपत्ता भएका हुन ।

आइतबार साँझ करिब ६ बजे काठेपुलबाट खस्दा साउद बेपत्ता हुनुभएको हो। उहाँसँगै रहेका कक्षा ३ मा अध्ययनरत सात वर्षीय छोरा अर्जुन साउद भने जीवितै भेटिएको नरहरिनाथ गाउँपालिका–४ का वडाध्यक्ष नन्दाराम सहकारी र गाउँपालिकाका उपाध्यक्ष कमल कुमार शाहाले जानकारी दिनुभएको पत्रकार कमल कोपिलाले बताएका छन ।

कालिकोटका धेरै खोलाहरूमा झोलङगेपुल नहुदा यसरी काठको काठेपुलमा ज्यान जोखिममा राखेर खोला वारपार गर्नु परिरहेको छ ।

बेपत्ता प्रेमबहादुर साउदको खोजी तथा उद्धारका लागि स्थानीय, प्रहरी तथा सम्बन्धित निकायबाट खोजी कार्य जारी रहेको जनाइएको छ। उहाँको अवस्था र सम्भावित स्थानबारे कुनै जानकारी प्राप्त भएमा तत्काल नजिकको प्रहरी कार्यालय, सम्बन्धित वडा कार्यालय वा परिवारलाई खबर गर्न अनुरोध गरिएको छ।

केही दिनदेखि लगातार भइरहेको भारी वर्षाका कारण जात्ताडा खोलालगायत स्थानीय खोलानालामा पानीको बहाव बढेको छ। साथै, विभिन्न स्थानमा पहिरोसमेत खसिरहेको भन्दै स्थानीय प्रशासनले सर्वसाधारणलाई उच्च सतर्कता अपनाउन आग्रह गरेको छ।

बाढी, पहिरो तथा खोलानालामा पानीको बहाव बढेको अवस्थामा अनावश्यक रूपमा यात्रा नगर्न र जोखिमयुक्त काठेपुल तथा खोलाको आसपासमा विशेष सावधानी अपनाउन जिल्ला प्रशासन कालिकोटले अनुरोध गरेको छ।

नरहरिनाथमा काठेपुलबाट खस्दा एक जना बेपत्ता, सात वर्षीय छोरा जीवितै भेटिए

प्रतिकृया दिनुहोस

प्राकृतिक सम्पदा संरक्षणबिना कर्णालीको पर्यटन विकास सम्भव छैन : मन्त्री खड्का

कर्णाली प्रदेश मन्त्रिपरिषद्का पाँच निर्णय, मन्त्री कल्याणी खड्का बनिन् प्रवक्ता

शनिवार अपरान्ह देखी अवरुद्ध कर्णाली राजमार्ग सोमबारसम्ममात्र खुल्छ सडक डभिजन प्रमुख महताराको भनाई

सामाजिक संजाल

हाम्रो टिम

मेनु

सम्पर्क