कालीकोट । चालु आर्थिक वर्षमा बजेट कार्यान्वयनलाई तीव्रता दिँदै सामाजिक विकास कार्यालय कालीकोट जिल्लाका सरकारी कार्यालयमध्ये बजेट कार्यान्वयनमा पहिलो कार्यालय बनेको छ। कार्यालय प्रमुख अबिराज शाहीको नेतृत्वमा कार्यालयले बजेट कार्यान्वयनसँगै योजना तथा कार्यक्रमलाई प्रभावकारी रूपमा अघि बढाएको हो।

सामाजिक विकास कार्यालय यसअघि आर्थिक वर्ष २०८२/८३ मा पनि कार्यसम्पादन मूल्यांकनमा जिल्लामै पहिलो भएको थियो। लगातार कार्यसम्पादनमा अग्रस्थान हासिल गरेको कार्यालयले चालु आर्थिक वर्षमा पनि योजना कार्यान्वयनलाई प्राथमिकतामा राखेको जनाएको छ।

सार्वजनिक खरिद अनुगमन कार्यालय (PPMO) को विद्युतीय खरिद प्रणाली e-GP मा सुरक्षा जोखिम देखिएपछि प्रणाली सुधार तथा मर्मतसम्भार भइरहेको र अर्को सूचना जारी नभएसम्मका लागि अनलाइन प्रणाली स्थगन गरिएको छ। सोही निर्देशनअनुसार सामाजिक विकास कार्यालयले हाललाई Hard Copy (कागजी माध्यम) बाटै खरिद प्रक्रिया अघि बढाउने निर्णय गरेको छ।

यसअन्तर्गत कालीकोटका नरहरिनाथ, सान्नित्रिवेणी, रास्कोट र पचालझरनाका विभिन्न विद्यालयमा दुई तथा चार कोठे भवन निर्माणका योजना अघि बढाइएका छन्।

योजनाअनुसार रास्कोट नगरपालिका–१ रामपुरस्थित सुन्दर आधारभूत विद्यालयको चार कोठे भवन निर्माणका लागि रु. ५१ लाख ८० हजार ६४४ तथा नरहरिनाथ गाउँपालिका–४ लाहास्थित रामचन्द्र आधारभूत विद्यालयको दुई कोठे भवनका लागि रु. ६८ लाख १९ हजार ८६४ लागत अनुमान गरिएको छ।

त्यस्तै नरहरिनाथ–९ लालुको शान्ति आधारभूत विद्यालयका लागि रु. ४३ लाख १९ हजार ८६०, पचालझरना–५ खिनास्थित कर्णाली माध्यमिक विद्यालयका लागि रु. ४३ लाख १७ हजार ७१ र सान्नित्रिवेणी–३ लुयाटस्थित विद्याज्योति माध्यमिक विद्यालयका लागि रु. ३४ लाख ५५ हजार २० लागत अनुमान गरिएको छ।

यस्तै, सान्नित्रिवेणी–६ बुढागाउँस्थित सरस्वती माध्यमिक विद्यालयका लागि रु. ३८ लाख ८६ हजार ५३० र नरहरिनाथ–४ गोठिमुलस्थित विश्वकुना माध्यमिक विद्यालयका लागि रु. ३४ लाख ५५ हजार १३९ लागत अनुमान गरिएको कार्यालयले जनाएको छ।

लगातार दुई आर्थिक वर्षमा कार्यसम्पादन र बजेट कार्यान्वयनमा अग्रस्थान हासिल गरेसँगै सामाजिक विकास कार्यालयले शिक्षा क्षेत्रका पूर्वाधार निर्माणलाई पनि प्राथमिकताका साथ अघि बढाएको छ।

स्वास्थ्य कार्यक्रमको वार्षिक समीक्षामा रास्कोट प्रथम, पचालझरना दोस्रो र सान्नीत्रिवेणी तेस्रो

कालिकोट — स्वास्थ्य सेवा कार्यालय कालिकोटको आयोजनामा आर्थिक वर्ष २०८२/०८३ मा जिल्लामा सञ्चालीत कार्यक्रम  र पालिकामा सन्चालित स्वास्थ्य

प्राकृतिक सम्पदा संरक्षणबिना कर्णालीको पर्यटन विकास सम्भव छैन : मन्त्री खड्का

  कालिकोट  , कर्णाली प्रदेश सरकारका उद्योग, पर्यटन, वन तथा वातावरणमन्त्री एवं प्रदेश सरकारका प्रवक्ता कल्याणी खड्का कर्णालीका जिल्लाहरूमा रहेका

देउवा पक्षिय नेपाली कांग्रेसको १५औँ महाधिवेशन मंसिर २१–२३ मा काठमाडौंमा, असोज १५ मा वडा अधिवेशन, देशभर केन्द्रिय प्रतिनिधि तोकियो , कालिकोटमा दमन बहादुर शाही

सुर्खेत  । नेपाली कांग्रेसको आधिकारिक्ता बिवाद नसकिदै दुबै पक्षले महाधिवेनका गतिबिधि सुरू गर्ने भएका छन ।  देउवा पक्षले १५औँ केन्द्रीय महाधिवेशन