कालिकोट — पचालझरना गाउँपालिका–३, खार्दु निवासी २४ वर्षीया जोसिला कठाएत असार ५ गतेदेखि परिवारको सम्पर्कविहीन भएपछि उनको खोजी कार्य तीव्र पारिएको छ।

परिवारका अनुसार कक्षा १२ उत्तीर्ण जोसिला घरबाट निस्किएपछि हालसम्म सम्पर्कमा नआएकी हुन्। उनका बुबा रणकेसर कठाएत र आमा मोतिपुरा कठाएतले छोरीको खोजीका लागि निरन्तर प्रयास गरिरहेका छन्।

जोसिलाका दाइ धिरेन्द्र कठाएतले इलाका प्रहरी कार्यालय पचालझरनामा खोजिका लागी निवेदन दर्ता गरिसकेका छन्। उनले प्रेम सम्बन्धका कारण जोसिलाले आत्महत्या गरेको हुन सक्ने आशंका व्यक्त गरेका छन्। यद्यपि, यो परिवारको आशंका मात्र भएको र त्यसको आधिकारिक पुष्टि हुने प्रमाण प्रहरीले अनुसन्धानमा भेटाउन नसकेको प्रहरीको भनाई छ  । 

प्रहरीका अनुसार घटनाको अनुसन्धान जारी रहेको छ। साथै, सम्भावित स्थानहरूमा खोजी कार्यलाई तीव्र पारिएको छ। विशेष गरी कर्णाली नदी आसपासका क्षेत्रहरूमा समेत व्यापक खोजी गरिएको प्रहरीले जनाएको छ। तर, समाचार तयार पार्दासम्म जोसिलाको अवस्था  खुल्न सकेको छैन।

प्रहरीले जोसिलाको अवस्थावारे डिजिटल देखि स्थलगत अनुसन्धान र खोजि   गरिरहेको भए पनि उनको घटनासंग मिल्ने कुनै पनि सूचना वा जानकारी प्राप्त गर्न  नसकेको कालिकोट  प्रहरी  प्रमुख डिएसपी हिम बहादुर खत्रिले रेडियो प्रदेश आवाजलाई  बताएका छन । 

नरहरिनाथमा काठेपुलबाट खस्दा एक जना बेपत्ता, सात वर्षीय छोरा जीवितै भेटिए

कालिकोट — नरहरिनाथ गाउँपालिका–४ र ५ को सिमानास्थित जात्ताडा खोलाको काठेपुलबाट खस्दा नरहरिनाथ गाउँपालिका–४ का अन्दाजी २९ वर्षीय प्रेमबहादुर

सुर्खेतको प्रतिष्ठित निजी विद्यालय इगरब्रिजद्वारा बाढीपीडितका लागि ९ लाख १५५ रुपैयाँ सहयोग

सुर्खेतको प्रतिष्ठित निजी विद्यालय इगरब्रिज आवासीय माध्यमिक विद्यालयले रसुवाको भोटेकोशी नदीमा आएको विनाशकारी बाढीबाट प्रभावित नागरिकको राहत तथा

कर्णालीमा बालविवाह अझै चुनौती रहेको टिप्पणी

बालविवाह विरुद्ध साझा अभियान सञ्जाल (CACMA) कर्णाली प्रदेशको आयोजनामा कालिकोटको मान्ममा सम्पन्न कार्यक्रममा कर्णाली प्रदेशमा बालविवाह अझै गम्भीर